Is féile ar leith í Féile John Ford ina ndéantar ceiliúradh ar shaol, ar oidhreacht agus ar ealaín an déantóra scannán cháiliúil a mba as ceantar an Spidéil i gConamara a shliocht. Ba áit é siúd a bhí domhain ina chuimhne i gcónaí agus go deimhin ba mhinic a chuairt ann.

I Portland Maine a rugadh John Martin Feeney in 1894. Glactar leis go bhfuil sé ar dhuine de na stiúrthóirí ba thábhachtaí agus ba mhó tionchair i Ré Órga Hollywood.
Chaith sé os cionn 50 bliain i mbun oibre. I gcaitheamh an ama sin ar fad, bhí spiorad agus íomhánna Iarthar na hÉireann le n-aithint ina shaothar. 

Sa dúiche chéanna sin anois, ar bhruach an Atlantaigh, déanann Féile John Ford ceiliúradh ní amháin ar a chuid scannánaíochta, ach freisin, ar an oidhreacht shaibhir chultúrtha a rinne múnlú ar an bhfís a bhí aige.